Ég vil þakka dönsku netviðgerðarmönnunum fyrir afspyrnugóða vinnu þrátt fyrir hörmungar í febrúarmánuði!

Sælt veri liðið, til allrar hamingju þá er ég á lífi..

---

Það er eitthvað búið að vera að nettengingunni í allri Danmörku síðastliðinn mánuð. Enginn Dani hefur komist á internetið og mikil sorg hefur ríkt yfir allri dönsku þjóðinni. Internet Danmerkur hrundi þegar það var verið að brenna fána rétt við brunahana í Kaupnmannahöfn. Brunahaninn sprakk og svo leiðinlega vildi til að stórt gult steypubrot úr honum rammaði aðalsnúruna í nettengingu Danmerkur! Þetta var um nótt og því uppgötvaði enginn skemmdirnar fyrr en daginn eftir. Þá hafði stærsti hluti internetsins raknað upp og snúrur lágu um allt. Lögreglan náði að kippa í spottana og bjarga interneti Borgundarhólms, en rest internets Danmerkur var þegar eyðilagt.

---

Góðu fréttirnar í þessum hörmungum eru þær að Borgundarhólmur hefur aldrei verið jafn vinsæll áfangastaður og nú. Ferðafrömungar á eyjunni græða á tá og fingri og margir eyjaskeggjar hafa breytt heimilum sínum í netcafé til að ná í sneið af þessari stóru köku. Maður telst heldur ekki maður með mönnum nema maður hafi farið til Borgundarhólms í internetreisu síðastliðinn mánuðinn.

---

Nú sit ég í Århus og brosi því netið hefur verið hnýtt á ný. Loksins get ég haft samband yfir Atlantshafið og látið vita af mér! Það er eins og Danmörk hafi unnið HM í fótbolta því það skín gleði úr andlitum allra og fólk er hjólandi út um allt með danska fánann! Æðislegt að upplifa svona merkisatburð í útlandinu!

Danir.. heimsku danir!

Núna sit ég inni í tølvustofu, hlustandi á Ísland-Rússland. Já, HLUSTANDI á landsleik! Thetta er svakalegt thví thad eru allir á móti mér núna. Rúv fyrir ad senda leikinn ekki út í mynd á netinu, danskar sjónvarpstødvar fyrir ad sýna allt annad en leikinn, norska stødin fyrir ad sýna hinn leikinn sem er í gangi núna og sídan eru thad yfirvøldin í skólanum. Yfirvøld skólans ákvádu ad hafa matinn fyrr svo madur gæti horft á Danmørk-Króatíu. Ákvádu thá ad hafa matinn á sama tíma og Ísland-Rússland og hugsudu náttúrulega ekki út í ad thad væru 11 Íslendingar hlustandi á leikinn, neih.. ætli madur fari ekki soltinn í svefninn, bíst vid thí!

Ég og Ívar gerdum uppreisn í gær! Rótækar adgerdir... Adgerdirnar voru thad rótækar ad thær voru nálægt hrydjuverkum. Í kvøldmatnum í gær sátum vid sársvøng og bidum eftir matnum, brosandi á svip heyrdum vid ad thad væri lasagna thetta kvøldid, ummummumm.. Loksins thegar maturinn kom á bordid og farid var ad pota í thetta komumst vid ad thí ad thetta væri fiskilasagna, FISKILASAGNA! Vid litum thegjandi í augun hvort á ødru, skelltum aftur stólunum og løbbudum út! Thetta var kornid sem fyllti mælinn! Vid fórum sídan beinustu leid á McDonalds! Búha! Ég held thad takist engum ødrum ad gera lasagna jaft vont og Dønum, hef líka rekist á spínatlasagna hér.. jakk!

Danir eru skrítnir, ég er alltaf ad sjá thad betur og betur. Ég er t.d. í fagi sem heitir film. Hópurinn hittist um klukkan 2 tvisvar í viku og vid førum alltaf í bíó eda horfum bara á mynd inni í sal. Voda thægilegur tími, svona svefntími. Thad sem ég skil hinsvegar ekki vid film er thad ad thad er alltaf tekid manntal í byrjun hvers tíma og thad er voda alvarlegt ef madur skrópar eda mætir of seint... Thad er hins vegar aldrei lesid upp í blaki eda útivist sem er klukkan 8 á morgnanna. Thad eru mun meiri líkur ad ég skrópi í útihlaupi klukkan 8 á morgun heldur en sjónvarpsglápi eftir hádegid!!! Ég er bara alltaf ad spá í thessu! Fólkid hérna er samt thad ofvirkt ad ég sé marga frekar fyrir mér hlaupa heldur en med teppi uppi í sófa! Thessir Danir..

Hey, ég er ad fara til Austurríkis á føstudaginn.. 2 vikna skídaferd! Újeah! Eitt fyndid vid thetta samt, vid førum á rútu! 18 tíma rútuferd ef ekkert er stoppad! Kennararnir ákvádu ad hætta vid ad fara til Frakklands thví ferdin thangad tekur um 24 tíma! Hvernig væri bara ad fljúga?! Níska thjód!

Ég hef svo margar søgur ad segja en svo lítinn tíma! Núna tharf ég ad fara ad smygla mat hingad inn í tølvustofu tí thad er korter eftir af leiknum! ÁFRAM ÍSLAND!!!

Friluftsliv

Laumast um í myrkrinu, allt slökkt, bak við gluggatjöld... er að skrópa..
//Einhver leiðinda leikstjóri er að tala um Nattevakten eða e-ð álíka, fór út.

Ég varð enn á ný skrítin á litinn í dag því í hádeginu var atburður, friluftslivkennararnir hópuðust að míkrófóninum og sögðu allir í kór að það væri kominn skíðasnjór! Að skólinn ætti 13 stk skíði sem allir gætu fengið að láni ef þeir myndu vilja skella sér! Ég mundi bara eftir atvikinu með vikuspurninguna, þannig að ég var dulítið hvumsa yfir því að það væri skíðasvæði í grenndinni. En hey, þau voru að tala um gönguskíði, stubit,stubit,stubit!!!

Talandi um gönguskíði.. Ég ákvað að svala survivor-þorsta mínum og skellti mér í klikkunina í friluftsliv. Er komin með planið og það er mjög spennandi, allavega á meðan það er langt í gjörninginn! Er að byrja að læra klettaklifur, læra á skauta (að laga tæknina síðan á dimmisjón, ehh...). Mun læra á kajak, að “fjallahjóla” í DK, kano í Svíþjóð og margt, margt annað óvænt. Ferðir um Svíþjóð, Danmörku og Noreg. Ég er nú strax farin að stressast yfir Noregsferðinni, herre Gud! Verðum 5, já FIMM daga að ferðast yfir eitthvað fjall/jökul í Noregi á gönguskíðum, með allt okkar dót í bakpoka og svo byggjum við SNJÓHÚS til þess að sofa í þessar fimm nætur! Þau segja að það séu fjallakofar í grennd, en að snjóhús séu bara mikið SKEMMTILEGRI!!! Ég segi bara hvad for helvede! Svo var þetta óvænta sem ég nefndi. Það getur verið ýmislegt skringilegt og óþægilegt! Í fyrra var t.d. hverjum og einum plantað á ákveðna staði í skóginum, án alls nema fata og matar plús það að þetta var í desember. Þetta var um kvöld og svo áttu þau bara að koma aftur þegar þau höfðu haldið að þau hefðu verið í 16 tíma og þau gátu ekki talað við neinn! Sofandi í skóginum, helt alene! *Hryllingshrollur... Svo tóku þau líka 5 daga í það að hjóla til Svíþjóðar! Talaði við Jesper sem var í þessu í haust og hann sagði að ferðin hefði ekki verið svo erfið, nema kannski þegar þau voru að hjóla eina nóttina og það var – 15°C!!! Þetta er samt einhver svaka hermaur þannig að það sem honum hefur þótt erfitt hefði drepið mig..!

Ég var veik núna sunnudag-mánudag. Var ansi fúl yfir þessum óvæntu veikindum svona í byrjun, hefðu mátt koma aðeins seinna. Á mánudagseftirmiðdaginn sá ég út um gluggann að friluftsliv-hópurinn minn var að gera sig ready fyrir fyrstu óvissuferðina. Daginn eftir fattaði ég svo fegin að veikindin hefðu ekki getað komið á betri tíma. Hópurinn hafði nefnilega farið út í skóg og sofið úti undir berum himni í snjó og 6 stiga gaddi! Þau sögðu samt flest að þetta hefði verið fínt þegar þau hefðu loksins verið búin að ná að gera varðeldinn. Veit samt ekki hvernig þetta fór þegar hann slökknaði, úff...

Núna er ég að spá í að hætta því ég er búin að safna í mig kjarki í að face-a hitt fólkið sem hékk inni á langa, langa, danska fundinum. Ég læðist út úr herberginu með skottið á eftir mér.

Síðasta vika

Æh... ég er svo aum.. uhuuu.. aum aum aum... Það brakar alls staðar í mér og ég get mig varla hreyft! Harðsperrurnar eru að drepa mig! Það er varla að ég nenni í matinn á eftir því ég held ég geti ekki labbað þangað! Þið sem brosið núna skuluð sko fá að vita að þetta er enginn aumingjaskapur hjá mér, þessi vika hefur nefnilega verið sjúkt erfið! MEST erfið.. ég veit varla hvar ég á að byrja?!

Á miðvikudaginn þegar við vorum búin að stunda okkar íþróttir, sveitt og sæl, var haldið skemmtihlaup í skóginum, ég fatta ekki samhengið í þessu orði skemmtihlaup, því það er sko EKKERT skemmtilegt við hlaup!

Við hjóluðum ca. 4 km á staðinn og þar byrjaði hlaupið. Okkur var skipt niður í 4 manna lið. Hvert lið fékk kort, blöð og blýant. Þetta virkaði þannig að 2 og 2 úr liðinu áttu að hlaupa á ákveðinn stað í skóginum, finna spurningu, hlaupa til baka og svara henni á meðan hinir 2 hlupu út í skóginn. Hlauplengdin var eitthvað um 6 km allt í allt Ég lenti í liði með Atla, Ívari og Elínu, svona tíbískt Íslendingalið, sem var ekki svo sniðugt því erum nú ekki það sleip í dönskunni. Allavega, þá tókum við þetta hlaup alvarlega, því við vildum jú öll vinna hina! Asnarnir við, fórum á alla staðina og svöruðum öllum spurningunum eins vel og við gátum. Við vorum svona 30-40 mín lengur en allir og skildum ekkert af hverju við vorum svona sjúkt lengi. Kom það ekki á daginn að hinir höfðu bara hætt! HÆTT! Enginn af okkur hafði s.s. náð þeim mikilvæga punkti að við mættum bara fara heim. Maður er orðinn svo vanur því að segja bara já-já og kinka kolli, því það er jú hundleiðinlegt að vera trítaður sem einhver stubito. Ég hefði samt frekar viljað vera stubito þarna og komast heim, heldur en að hlaupa eins og asni! Það versta við þetta hlaup er það að niðurstöðurnar eru ekki ennþá komnar! Það var ekkert lið sem venn þannig að þetta var algerlega ganglaust og handónýtt hlaup!!!

/ég bíð samt ennþá og vona að úrlausnirnar berist í hús...

Fimmtudagurinn var mesta klikkun sem ég hef upplifað held ég! Ég segi nú bara Flóafár hvað!! Við erum öll í hópum með umsjónarkennara og þessi dagur var notaður til þess að þjappa hópunum saman. Mitt lið var náttúrulega langflottasta liðið því við vorum SVARTA liðið! Allir hinir þurftu að fara í einhverja svakalega búninga, en því stríðsmáluðum okkur bara í framan! Jæja, þessi brjálaði dagur byrjaði þannig að við gerðum hjólin okkar ready snemma um morguninn, og svo byrjaði klikkunin! Þennan dag var ratleikur um allt Aarhus, á hjólum! Þið sem ekki hafið komið hingað vitið ábyggilega ekki að Århus er ekkert annað en brekkur, þær eru það svakalegar að það þyrfti að hæðamerkja þær á landakorti, því ég held að þær fari hátt upp í Himnabjargið!!! Það voru aðilar á einhverjum 28 stöðum út um allan bæ og þeir voru með alls konar þrautir sem við þurftum að leysa á staðnum eða um kvöldið. Ef við héldum að við gætum gert hlutina skrifuðum við “Ja” á svarblaðið en annars “Nej”. Ef við höfðum skrifað Ja og gátum leyst þrautina fengum við 10 stig en ef við gátum það ekki fengum við -6. Nej, og þá stóðum við á núlli.(n.k. eins og háskólinn ;p ). Þrautirnar voru sjúklegar sko t.d. þurftum við að mæla ummálið á strætó númer 11 með IKEA málbandi, einn aðili þurfti að sippa 150 sinnum í röð án þess að ruglast á innan við 2 mín, einn aðili átti að gera 50 armbeygjur á einhverri einni mínútu, allur hópurinn þurfti að syngja danska sálma á göngugötunni og betla pening, við fengum mikinn pening, því eymingjas fólkið hélt að það væri að styrkja fólk í Afríku...... og meir og meir.... Um leið og við vorum að leysa þetta allt saman þurftum við líka að leysa ráðgátu á þýsku, og ég hjálpaði nú súper mikið við það, ójá... Uppáhalds þrautin mín var hins vegar PRJÓNIÐ! Við fengum dokku og tröllaprjóna í byrjun dagsins og það lið vann þrautina sem náði að prjóna lengsta trefilinn á hlaupunum. Allir danirnir fengu sjokk þegar þessi þraut kom í ljós því danir kunna ekki að prjóna! Þetta var því það eina sem ég gerði allan daginn, að prjóna á öllum stoppunum niðri í bæ! Í lok dagsins var treflamæling og þá sá ég að það voru eiginlega allir Íslendingarnir sem höfðu verið í þessari merku þraut allan daginn! Ég vil endilega þakka Siggu saumó og ömmu því ég vann þessa merku prjónakeppni, þurfti reyndar að svindla með því að láta konu í búð byrja fyrir mig og svo kenndi gömul kona á bókasafninu mér að slá af, en hva, þetta veit enginn....

Allavega, ég hef aldrei verið jafn þreytt og eftir þetta hlaup! Ég sem er nú alltaf þreytt! Einn gaurinn í mínu liði var með metramæli og í lok dagsins vorum við búin með um 30 km!!!! Jáh, ég hefði getað hjólað á Selfoss!!! En vitið þið hvað, við vorum í 2. sæti!!! Þegar Færeyingur, Íslendingur, Norðmaður og 5stk Dani koma saman, þá er gaman!

FÖSTUDAGURINN... Ohhohhhohhhhhhhh! Ég stal þessari snilldar færslu af blogsíðu tveggja meðlima MÍ... Ég hefði ekki getað sagt þetta betur ég sjálf, þið verðið endilega að lesa þetta!

http://www.burnalf.blogspot.com/
---
Hoppe ud af en flyvemaskine, KÆMPESTORT blåmark, (som vi tager et billede af snart) ... Alt for meget bevægelse... udeløb, cykleturer (som man skulle måske hellere kalde for cykelmarathon), lidt øldrikkelse.... Danser Danser min dukke....VI

ROKKER DANMARK, SATANNEDEME...og lille bitte tømmermænd...

For helvede da...

Den første fest var som sagt i går aftes.... hvor der var meget danset og siddet i en flyvemaskine... jeg sad på Buisness class hvor man fik bara såh meget af rødvin (med tilhørende rødvinstænder som lilja kunne meget godt lide)... vindruger, sjokolade ofl. ofl. ... stakkels Lil var kun på vej til Ibitza ... og sad bare med 2.classe mennesker.... stakkels pigen... Og så kom der nogen terrorister og der var to piloter som snakkede Norsk... ooog så blev vi nødt til at forlade flyvemaskinen fordi de norske piloterne ("For fan jeg flyver aldrig med Breezer.. det er den første gang... jeg flyver normalt med smirnoff...") var så fulde at vi måtte nødelande.... og så skulle vi hoppe på sådan en madrads med en condom over hovedet... og lilja fik et kæmpe blåt mark på benet fordi der.... nej jeg ved ikke hvorfor... der er ingen der ved...OG SÅ SKULLE DER DANSES!!! og vi dansede natten væk i en stor ring.. og så skulle man sige B I N G O ...

DUUUUT

hohohoho

og så mødtes islændinge mafian inde på værelse 57 og drak lidt øl og hvidvin... og så var der Diskotek! .... og nu skal I høre jer islandske drenge... De danske drenge er meget dygtige til at spørge om man har lyst til at danse.. og så tager man simpelthen ud på dansgulved og danser ring efter ring efter ring... ja det må man sige, de danske drenge ved precis hvordan man skal danse ordentligt... ikke sådan noget med bootie dans eller at stå generte i et hjørne... nej nu skal der danses.... og det har jeg så forklaret til de islandske drenge der er her i Århus.. Agust og Atli... og de begyndte med det samme at prøve at få pigerne til at danse...GODT GÅET DRENGE!!
---
Þetta var s.s. það sem gerðist þetta kvöld. Við fórum í flugvél og svo brotlenti hún, terroristasprengjur og fleira... SNILLD!!!


/Sorry fólk, aðallega mamma, hvað færslan kemur seint, en ég var bara að ná netkortinu af Ívari, sem er búinn að vera með það í fleiri, fleiri daga.. Ég verð svo að fara að sofa, því ég er nefnilega að fara í Pilates og klettaklifur á morgun!!! Jáh Sibba mín, ég er survivor!

Hvor mange uger har du stod på ski...?

Það var fundur hjá okkur sem eru á skilinien í gær. Jakob skíðakennari var á fullu að tala um eitthvað í sambandi við ferðarnar og ég hlustaði eins og vanalega og kinkaði kolli eins og ég skildi allt, því ég vil ekki sitja uppi með risaheadphones eins og pólverjarnir og gaurinn frá Úganda! Svo allt í einu spyr kennarinn mig:
- Hvor mange uger har du stod på ski...?
Ég varð eins og ryðgaður kálhaus í framan og vissi ekki hvort ég væri að skilja spurninguna rétt, því það spyr jú enginn svona! Ég náði að babbla út úr mér:
- Hvad...
Þá horfir hann mjög skringilega á mig og segir svo aftur eins og ekkert væri eðlilegra:
- Hvor M-A-N-G-E U-G-E-R har du stod på ski???!!!
Ég varð enn asnalegri á svipinn og sagði hissa:
- Hvor mange uger. Det ved jeg slet ikke.. Pfffff, jeg siger pass fordi jeg ikke teljer ugerne...
Þá kom alger þögn í salnum og ég heyrði hvíslað í einu horninu:
- Hun skal være en pro! Disse Islendinger, den Islenske mafia..
Ég bara vissi ekki hvað var í gangi þarna inni, Islendinge mafia.. og hver telur eiginlega klukkutímana sem hann er á skíðum...??? Síðan byrjaði kennarinn að spyrja alla sömu spurningar og allir vissu upp á dag hve lengi þeir hefðu verið á skíðum eins og ekkert væri eðlilegra! Svörin voru svona:
- 6 uger og 3 dage
- 3 uger og 1 dag
- 13 uger og 4 dage
Ég varð ábyggilega skringileg á litinn þegar ég hlustaði á þetta! Ég komst síðan að þeirri niðurstöðu að það hliti að vera til svona skíðamínútumælir sem mælir hversu lengi maður er á skíðum og leggur saman. Ég skildi bara ekki af hverju allir ættu svona mæli og að ég hefði aldrei heyrt um svoleiðis. Staðráðin í því að útvega mér svona græju fór ég í kvöldmat og fór nú að spyrja um þetta og þá kom í ljós að Danir fara á skíði í Ölpunum og auðvitað vita þeir þá upp á hár hversu oft þeir hafa farið........ Heimska,heimska,heimska!

Ég er ekki ennþá búin að komast að því hvar Íslenska Mafían er til húsa, en ég mun reyna allt sem ég get til þess að verða meðlimur sem allra, allra fyrst!

Komin til Århus

HÆhæ, Shit, vá, hvað ég hefði þurft að komast á netið til að blogga á laugardaginn þegar ég kom, vóóvv.. Ég hef aldrei verið í jafn andlegu sjokki og þá, shit, fuck og helvíti!

Allavega, þá lögðum við af stað á laugardagsmorguninn um 4. Ég náði ekki að sofna neitt þannig að ég var nú búin að vera vakandi ansi lengi. Við vorum komin til Århus um kvöldmat á laugardaginn eftir ansi langt ferðalag. Mjög þreytt komum við inn í þessa múrsteinaþyrpingu og fundum engann til að byrja með en loksins hittum við e-rn gaur frá Bosníu sem var í lobby-inu. Hann var nú ekki svo sleipur í enskunni og gat enganveginn sagt okkur hvar næsti matsölustaður væri, því við vorum jú að deyja úr hungri!

Þegar ég fór inn í herbergið mitt öskraði ég! Herbergið var hriiiiiikalegt!!! Rúmmin ofan í hvort öðru og sturtuhausinn jafn stór þumalputtanöglinni minni!!! Það var eiginlega enginn mættur nema ég, Ívar og Atli. Ég skildi bara ekki af hverju í ansk... ég hefði verið svona spennt! JAKK...! Fyrsta sem datt út úr mér var setningin góða ,,Velkomin í helvíti...!" Jæja, en svo náðum við að fá Bosníu gaurinn til að hringja á taxa og við fórum að borða á einhverjum lásí stað! Þegar við loks komum tilbage tók ég til og þurrkaði af öllu, fór í sturtu og að sofa með stóran fýlusvip!

Daginn eftir vaknaði ég við Ívar sem bankaði á hurðina mína sæll á svipinn, eins og hann hefði unnið í lottóinu! Áður en ég náði að segja hæ æpti hann á mig: ,,Ég fann bakarí!" Þá hafði hann farið í tveggja tíma göngu að leita að einhverju ætilegu, því við höfðum jú ekkert að borða. Ég gaf skít í matinn og fór bara aftur að sofa, en ég hefði betur sleppt því, því við fengum ekkert fyrr en í kaffitímanum. Ég fór þangað sársvöng og sá að liðið var farið að koma. Þetta var bara fínt eftir það í gær held ég.

Núna er þetta allt að skírast. Ég er líka bara farin að fíla mig vel hérna. Manni verður samt frekar illt í eyrunum að hlusta á dönsku allan daginn + það að skilja varla helminginn af því sem sagt er. Ég er farin að efast um annað fagið sem ég valdi, friluftsliv. Þar er ferðast um alla Danmörku og farið til Svíþjóðar og Noregs. Hjólatúr í viku í Svíþjóð, snjóhúsabyggingu í Noregi og eitthvað álíka. Ég er búin að tala við nokkra sem voru líka hérna síðustu önn og þau sögðu að í friluftsliv hafi krakkarnir t.d. þurft að klifra upp tré með bundið fyrir augun, og svo var hópurinn settur út í skóg og allt dót tekið af þeim eins og símar og þess háttar. Svo áttu þau að koma til baka þegar þau héldu að þau hefðu verið þarna í 16 klukkutíma! Þetta var gert til að athuga tímaskynið hjá þeim! Svo á þetta alltaf að koma á óvart og maður má ekki vita neitt.... Ég held ég sé hálf hrædd við þetta, það er nefnilega sagt að ef maður ætlar í þetta verður maður að vera tilbúinn í að gera ALLT! Tjah.. ég get heldur ekki verið lengi rafmagnslaus, því ég þarf jú að nota sléttujárnið!!!

Hey, já, ég er komin með sambýliskonu, hún heitir Marie eitthvað... Hún er bara ansi fín held ég, með mér á skilinien. (Æh, það er fyndnara þegar Ívar segir sambýlismaður minn..)!

Jáh, ég er að spá í að fara að gera mig ready fyrir badmintontíma. Það er samt slæmt að Tinna er ekki hérna til þess að koma mér í rétta keppnisskapið. Ég vona að sambýliskonan mín nái pirringstækninni sem fyrst. Ég þarf líka að fara að reyna að komast að því hvað allir kennararnir voru að segja í morgun. Ég veit að það var eitthvað um reglur, en hvaða reglur veit ég ekki...!

Bless í bili

Damn.. Danmörk á MORGUN!!!

Ég ætlaði bara að þakka Öldu Marín fyrir snilldar kveðjuteboð í gær! Það var svo huggulegt og ég vorkenni bara þeim sem ekki komust því Alda Marín gerði snilldar ofnrétt og bakaði meira að segja rjómatertu! Umm-um-ummm... Ég borðaði sko vel því þetta var líklegast síðasta matarsukkið í lengri tíma því í skólanum í DK er bara hollustufæði.. Ég ætla rétt að vona að Dominos sé stutt frá.. (Þótt ég hafi nú alls ekki gott af því!) Jáh, og takk þið sem komuð í gær og sýnduð ykkar fés :)

En ef við snúum okkur að Danmerkurferðinni, þá legg ég af stað í NÓTT!!!! Skondið mjög, ég ætti kannski að fara svona síðustu ferðina í mína ástkæru 11-11 í síðasta skiptið lengi, niii, annars, ég held ég sleppi því bara! Ég er á fullu að pakka og skíðafatataskan er BARA 9 kg og allt hitt er eftir þannig að ég held ég ætli bara að láta mömmu senda mér hana með póstinum og það kostar bara 3500 í staðinn fyrir að borga rúman þúsundkall á hvert kíló, svooo hagstætt ;p

Jáh, á meðan ég man þá á Sif Sigurðar afmæli í dag! Tvítug stúlkan, til lukku! Fúlt að komast ekki í bústaðarpartyið hennar, en maður verður nú að fórna einhverju.

Jæjah, ég ætla að halda áfram að pakka, pakka, pakka.. Óþolandi að þurfa að velja föt og dót til að taka með sér! Ég vildi að ég hefði Harry Potter krafta og gæti bara tekið með mér allt herbergið mitt, vóv, það væri lúxus!

Jæja, ég er hætt núna. Skrifa næst frá Århus með svitablett niður á nafla! Íþróttaskóli, hvað var ég að hugsa..?!

2006

Á meðan ég man, þá langar mig að þakka fyrir gamla árið!! Það var súper en 2006 verður allt öðruvísi, jafnvel betra! Hjá mér allavega.. 2006 verður ár umbreytinga, DK og svo kannski háskólinn í haust! Hver veit, hver veit...

Gleðilegt ár öllsömul!

Enginn flugeldamarkaður, ekkert ball !!!

Bara benda á að ég mætti hvorki á flugeldamarkaðinn né BALLIÐ! Ég sem hélt að ég myndi aldrei sleppa áramótaballinu! Ég var búin að gella mig upp og allt, en kommst held ég bara í fjölskyldugírinn og vildi ekki út. Fór bara að horfa á The Two Towers með Jóni Jökli, það var ágætt ég held samt að það hafi ekki jafnast á við þetta blessaða ball!

Ég var eitthvað að skoða gamla blogginn minn, hef ekki skoðað hann síðan vor´04 og það er nú ansi langt síðan. Þarna rakst ég á eina skondna færslu sem sýnir hvað ég hef verið skrítin á þessum tíma, shit..

---
Núna er ég að rotna úr þreytu, með bauga niður á hné að reyna að læra undir eitthvað helvítis íslenskupróf... og ég held ég bara hætti að nenna því og fari bara að sofa.. En ég var að hugsa í hugsunum mínum áðan og fór að pæla í einu; ég er bara persóna í tölvuleik hugans! Ef maður nennir að vinna og læra og þannig þá gengur manni vel, en ef maður nennir því ekki þá gengur manni illa og drepst. Og þegar það gerist, þá er maður bara "game over" eins og í Super Mario Bros og þess háttar leikjum. Svo kannski bíður manni "continue"-takki eins og ef maður verður "game over" í Mario.. Við munum aldrei fá að vita sannleikann því við byrjum alltaf aftur á byrjuninni með nýjan huga. Svo eru einhverjir búnir að spila leikinn oftar og eru því betri og æfðari en aðrir og eiga því fullt af peningum og svoleiðis. Kannski kunna þau einhver password til að komast yfir fyrstu borðin eða leynitrix til að komast yfir peninga. En svona í alvöru talað þá erum við persónur í tölvuleik hugans. Eftir að hafa komist af þessu ætla ég bara að fara að byrja á því að lifa skemmtilega og vona bara að þarna við endann, þegar ég verð "game over", að það glitti í "continue" takkann og ég geti byrjað aftur á nýtt....
---

Þetta er bara fáránlegt, ég held að þetta sé eitthvað fyrir Eddu sálarskoðara!

ÆmÁt .. og það eru bara 4 dagar eftir á Íslandinu góða..

úllalla.. áramót á morgun!

Núna sit ég ein að tölvunörrast í fyrsta skiptið eftir að ég hætti í prófum! Ég er ekki nógu þolinmóð til þess að hanga á nétinu með skjaldbökuhæga tengingu! Ef maður er til dæmis að load-a einhverju forriti eins og ég er að gera núna, tekur það nokkur korter og á meðan er varla hægt að gera neitt í tölvunni því hún er að taka svooo á. Æh, AldaMarín skilur mig þó allavega, hún vorkennir mér jafnt og ég vorkenni henni! Ég er t.d. að testa það að setja 8 myndir inn á Yahoo forritið, en nei, það á að taka rúm 5 korter! Stuð, stuð, stuð!

---

Spenningurinn fyrir Århus er að koma upp, þótt ég sé í rauninni ekki búin að fatta þetta ennþá. Er ekki alveg að skilja að laugardaginn eftir viku verði ég farin héðan og að ég komi ekki aftur fyrr en í Júní! Ekki alveg sniðugt því heimska ég er nýbúin að kaupa mér nýtt rúm, ALLTAF jafn gáfuð! Síðan á ég eftir að sakna þess hvert kvöld þegar ég sef á gólfinu í svefnpoka made in China! Æh, ætli ég sé ekki að ímynda mér það versta.

---

Ég fór inn í banka í dag og þar hitti ég Jóhönnu Jensen. Hún fór eitthvað að spyrja mig út í hvort ég væri ekki orðin spennt og hvort ég væri ekki bara með allt þetta á hreinu með skólann. Ég er náttúrulega engan veginn með neitt á hreinu, veit ekki einusinni hvort ég eigi að taka með mér skíðagræjurnar eða ekki, ef svo er þá þarf ég að uppfæra þær! En allavega, þá sagði hún að Ívar væri búinn að skrifa niður hvern einasta hlut sem hann ætlaði að taka með sér! Skrítið að spá í því að Ívar sé meira að segja skipulagðari en ég! En þetta er allt að koma, var að ákveða áðan hvaða gallabuxur ég ætla með, svona eiginlega!

---

Hey, síðasta djamm fyrir "útför" á morgun, árlegir Eins og hinir í Hvolnum! Ég held klárlega að einu skiptin sem maður fer brosandi á Hvolsvöll sé um áramótin, því aðra daga ársins reynir maður með öllum ráðum að komast hjá því að fara þangað! Í fyrra fór ég reyndar nokkrum sinnum í Olympus, en ég get sko lofað ykkur því að ég fór EKKI brosandi þangað...!!!

---

Jæja, ég er búin að gefast upp! Ætla bara að henda þessum myndum sem ég er að reyna að koma inn, þolinmæðin er á þrotum! Ég vona að sem flestir láti sjá sig í Hvolnum á morgun, en hina sér maður vonandi á árbakkanum.

---

PS: Það var eitt sem mig langaði að segja að lokum. Ég, Birna Óskarsdóttir, ætla að vakna fyrir 10 á morgun til þess eins að komast út í Flubbó að kaupa flugelda! Ég ætla að fara með pabba og Unnsteini svo þeir kaupi nú nógu mikið og rétt! Ég held að ég sé frekar mikið bjartsýn því ef ég þarf ekki að mæta í vinnu þá vakna ég vanalega upp úr eitt.. Þetta er persónuleg áskorun sem ég ætla rétt að vona að takist hjá mér.. Annars er ég eymingi!

Picasa Píkasa

Verívell.. Núna er þetta svona eiginlega komið, en ég var að komast að því að það er bara frekar erfitt að ná sér í forrit til að hafa myndirnar sínar í. Þar sem þessi bloggur er aðalega til að setja inn myndir, þá tel ég það ansi mikinn ókost! Allavega var Picasa frá google ekki að virka, downloadaði því og svo get ég ekki notað það! Þar sem ég er ekki mikið tölvuséní þá er það kannski ekki skrítið að þetta virki ekki hjá mér!

Fyndið samt að vera að blogga svona fyrir sjálfan sig, ég er nefnilega ekki búin að segja neinum frá þessari síðu, hehe.. hún verður að vera tilbúin þegar fólk fær að vita af henni!

p.s. Ég á að taka með mér hjól með lukt til Danmerkur! Sé mig fyrir mér burðast með það á flugvellinum og í lestinni!! Spurning um að leggja 4 dögum fyrr af stað og hjóla bara ;p